Ciscos søksmål på tynn is?

I ein blogg på zdnet.com har ein ekspert på patent og trademark juss uttalt at Cisco mista retten til namnet iPhone i april ifjor. Grunnen er at etter amerikansk lov er ein nødt til å vise fram produktet/namnet i bruk innan seks år etter patenten er blitt gitt. i Ciscos tilfelle var denne datoen 16. november 2005.

Dette blei ikkje gjort frå Cisco si side. Det er mogeleg å få ein seks månaders utsetjing på denne regelen mot ein sum pengar, og Cisco leverte eit bilete av emballasjen til «Linksys CIT200 Cordless Internet Telephony Kit», med eit klistermerke med namnet «iPhone™» klistra på plastikken på emballasjen, sjå bilete. Dette blei levert innan fristen på seks månader, men spørsmålet er om det er godt nok til å forsvare patentet med eit klistermerke klistra på emballasjen.

Advokat Jay Behmke, ein partner hos advokatfirmaet CMPR som spesialiserar seg på dette området, har uttalt at Cisco ikkje har gitt eit godt nok bevis for at produktet er i bruk og at det ikkje er eit produkt som har blitt utvikla og dedikert til namnet iPhone.

Uansett så vil Apple og Cisco ha ein uløyst tvist om namnet, men om det viser seg at Cisco har mista retten til patentet så står saka mykje sterkare for Apple sjølvsagt.